Էական է ոչ միայն պրոթեզի ձեռքբերումը, այլև սպասարկումը, վերանորոգումը: Այս մասին «առաջին լրատվական»-ի հետ զրույցում նշեց Արտյոմ Առաքելյանը, ով 17 տարի առաջ դժբախտ պատահարի հետևանքով կորցրել է ձեռքերը:
Նա նշեց, որ կան բազմաթիվ խնդիրներ այս ոլորտում. «Օրինակ, մարդը մեծանում է տարիների ընթացքում, իսկ պրոթեզը մնում է նույնը, և մարդուն արդեն պետք է լրիվ նոր պրոթեզ: Այսինքն եթե այս պահին դրամահավաքով կամ ինչ-որ ձևով այդ գումարները հավաքվեն, դա կարող է ծառայել առավելագույնը մի քանի տարի, ու հետո նորից գալու ենք նրան, որ պետք կլինի նոր պրոթեզ: Ես առաջարկել եմ որպես լուծում օրենսդրական փոփոխություն իրականացվի, որպեսզի բուտեխնիկական հանձնաժողովի կողմից տրվող հավաստագրի շրջանակներում հնարավոր լինի ձեռք բերել այդ որակյալ պրոթեզները և ոչ պատերազմից հետո բարեգործների կողմի դրամահավաքներով կազմակերպվի դա, ու համարվի, որ հարցը փակվեց: Հարցը դրանով հարցը չի փակվում: Դա ասում է մարդ, ով 17 տարի պրոթեզ է կրում»,-ասաց նա:
