Իրանի արտգործանախարար Մոհամմադ Ջավադ Զարիֆը տարածաշրրջանային այցի շրջանակներում ժամանելու է Երևան: Ինչպես նշվում է, այցի նպատակը տարածաշրջանում խաղաղության և կայունության հաստատումն է։ Պատերազմից հետո Իրանի համար ևս ստեղծվել են ոչ բարենպաստ պայմաններ, թերևս ամենացավոտ թեմաներից մեկն էլ Ադրբեջանը Նախիջևանին կապելու խնդիրն է: Ինչ նպատակ է հետապնդում Զարիֆի այցը, ինչ է ուզում ցույց տալ Իրանն այս այցով: Այս և մի շարք այլ հարցեր «Առաջին Լրատվական»-ը քննարկել է արևելագետ Արաքս Փաշայանի հետ:
Մեր զրուցակցի խոսքով՝ Իրանի համար նոր իրավիճակ է, Հարավային Կովկասում փոխվել է ստատուս-քվո Արցախյան պատերազմից հետո: «Բնականաբար, Իրանը մտահոգված է երկրի ազգային անվտանգության և դրան առնչվող շատ ու շատ հարցերով… Իրանը մշտապես ընդգծում է, որ խաղաղության և կայունության կողմնակից է, մինևույն ժամանակ պաշտոնական Թեհրանը միշտ էլ կողմ էր Ադրբեջանի տարաքծային ամբողջականության պահպանմանը, ինչը բազմաթիվ անգամներ ի ցույց է դրվել ադրբեջանական կողմի հետ հանդիպումներին: Մեզ մոտ այս հարցում պետք է լինեն հստակ պատկերացումներ, Իրանը կողմ է Ադրբեջանի տարածքային ամբողջականության պահպանմանը»:
Առավել մանրամասն՝ տեսանյութում: