Այսօր ռուսական РИА Новости լրատվական գործակալության շենքում տեղի է ունենալու Մոսկվայի ու Վաշինգթոնի միջև տեսակամուրջը։ Այն նախաձեռնել է Валдай միջազգային քննարկման ակումբը։
Տեսակամրջի ժամանակ դիտարկվելու է էթնիկ հակամարտությունների կարգավորման գործընթացում Ռուսաստանի ու ԱՄՆ-ի դերակատարության հարցը։ Տեսակամրջի մասնակիցները դիտարկելու են Հարավային Կովկասում առկա հակամարտությունների (այդ թվում նաև ղարաբաղյան) խաղաղ կարգավորման հարցը։
Տեսակամրջի քննարկման մասնակիցները կփորձեն պատասխանել, թե արդյոք Ռուսաստանն ու ԱՄՆ-ը կարո՞ղ են վերածվել Հարավային Կովկասի խաղաղության ու անվտանգության երաշխավորի, և արդյոք կարո՞ղ են տվյալ տարածաշրջանում խանգարել 2008 թվականի օգոստոսյան իրադարձությունների կրկնությանը։
Ռուսական կողմից տեսակամրջին մասնակցելու են ԱՊՀ երկրների ինստիտուտի Կովկասյան բաժնի պետ, Վրաստանում Ռուսաստանի նախկին դեսպան Ֆելիքս Ստանևսկին, Սևծովյան ու Կասպյան տարածաշրջանների քաղաքական ու սոցիալական հետազոտությունների ինստիտուտի ներկայացուցիչ, Կենտրոնական Ասիայի ու Կովկասի ինստիտուտի փորձագետ Անդրեյ Արեշևը և РИА Новости-ի քաղաքական մեկնաբան Դմիտրի Բաբիչը։
Ամերիկյան կողմից տեսակամրջին մասնակցելու են ԱՄՆ պետդեպարտամենտի՝ Եվրոպայի ու Եվրասիայի միջազգային հարաբերությունների բյուրոյի խորհրդական Ջեֆրի Մանկոֆը, Ռուսաստանի, Եվրասիայի ու միջազգային էներգոանվտանգության հարցերով Heritage հիմնադրամի փորձագետ Արիել Քոhենը։