Ֆրանսիայի սպորտի նախարարությունը և հանրապետության առողջապահության նախարարությունն ավարտել են մարզիկների համար հատուկ հակավիրուսային դիմակի մշակման նախագիծը: Հունվարի 24-ի երեկոյան այդ մասին հայտնել է France Info ռադիոկայանը:
Դիմակը պատրաստված Է հատուկ բազմաշերտ և ֆիլտրող փափուկ կտորից, որը հաճելի զգացումներ է առաջացնում դեմքին հպվելիս: Միևնույն ժամանակ դիմակի ձևը փոքր-ինչ ձևավոխված է, որպեսզի այն չքսվի շրթունքներին և չներքաշվի բերանը նույնիսկ ինտենսիվ շնչառության ժամանակ, ինչն անխուսափելիորեն տեղի Է ունենում սովորական բժշկական դիմակով վազել փորձելիս:
Նաև կատարելագործվել է դրա ամրակապը, որպեսզի այն դեմքին չշարժվի տարբեր շարժումների ժամանակ: Մշակողները հայտարարել են, որ այն շատ հարմար է, և դրանով շնչելը հեշտ է, ի տարբերություն գոյություն ունեցող բոլոր մյուս մոդելների: Դմակը հաջողությամբ արտոնագրված է: Ընդ որում, ինչպես հայտարարել են մշակողները, արտադրության այդ արտոնագիրը կտրամադրվի դրա արտադրության հարցում բոլոր շահագրգիռ ձեռնարկություններին։