Բրիտանացի մաշկաբանները մաշկի վրա ի հայտ եկող երեք ախտանիշ են թվարկել, որոնք վկայում են կորոնավիրուսի մասին: Այս մասին գրում է Express- ը:
Նախ՝ կորոնավիրուսի պատճառով մաշկի վրա կարող է ցան հայտնվել: Դա կարող է լինել ցան, որը նման է եղնջատենդի, ջրծաղիկի կամ նույնիսկ բշտիկների, որոնք քոր են գալիս և մի քանի շաբաթ չեն անցնում։
«Մեր հետազոտությունները ցույց են տալիս, որ ցանը կարող է COVID-19- ի ավելի բնորոշ ախտանիշ լինել, քան տենդը և հազը», – ասել է մաշկաբան Վերոնիկ Բատայը:
Երկրորդ, կորոնավիրուսով հիվանդներից մի քանիսի մոտ ձեռքերի և ոտքերի մաշկը կարծես ցրտահարված լինի: Մատների վրա կարմիր կամ մանուշակագույն ցավոտ ուռուցքներ են առաջանում, մաշկի վերին շերտը մաքրվում է:
Երրորդ, վարակի մասին կարող են վկայել չոր և «թեփոտ» մանր ճաքերով շրթունքները։ Այս ախտանիշը ի հայտ է գալիս արդեն առողջանալուց առաջ։