ԱՄՆ-ի ազգային գվարդիականներին, որոնց Ջոզեֆ Բայդենի պաշտոնակալությունից հետո Կոնգրեսի շենքից տեղափոխել էին ավտոմոբիլային գարաժ, վերադարձրել են Կապիտոլիում: Դա, ինչպես հունվարի 22-ին հայտնել է NBC հեռուստաալիքը, արվել է պահեստայինների նկատմամբ անարդար վերաբերմունքի առթիվ օրենսդիրների և հասարկության արտահայտած վրդովունքից հետո։
Պահեսայիններին Վաշինգտոն էին կանչել հունվարի 20-ին ԱՄՆ-ի նոր նախագահի երդմնակալության արարողության ժամանակ Կոնգրեսի շենքի պահպանության և անվտանգության ապահովման համար։
Բայդենի՝ պաշտոնի ստանձնման հաջորդ օրը, ինչպես պատմել են ազգային գվարդիականները, Կապիտոլիումի ոստիկանությունը նրանց մի մասին խնդրել է տեղափոխվել գարաժ, քանի որ Կապիտոլիումի շենքում իրենց ներկայությունը անհարմարություններ է ստեղծում աշխատանքը վերսկսած օրենսդիրների համար: Հենց որ այդ մասին հայտնի է դարձել, վրդովմուքի ալիք է բարձրացել, և արդեն հունվարի 21-ի երեկոյան Իլինոյսի նահանգից դեմոկրատ սենատոր Թեմմի Դաուքորթը հայտարարել է, որ գվարդիականները վերադարձել են Կապիտոլիումի՝ իրենց հարկաբաժին, իսկ ոստիկանությունը ներողություն է խնդրել:
NBC-ի տվյալներով՝ Վաշինգտոնում Ազգային գվարդայի գրեթե 26 հազար պահեստային զինծառայող կա, որոնց Վաշինգտոն են կանչել հունվարի 6-ի անկարգություններից հետո: Հունվարի 21-ին 10.600-ը մայրաքաղաքում կատարել է անվտանգության ապահովման՝ իր պարտականությունը, իսկ շուրջ 15 հազարը շուտով կմեկնի տուն, հաղորդում է ՏԱՍՍ-ը:
