Կուբայում COVID-19-ի հետ կապված իրադրության վատթարացումն օտարերկրյա հյուրերի համար ուղևորությունների ժամանակավոր սահմանափակումների է հանգեցրել զբոսաշրջային գոտիների սահմաններից դուրս գտնվող Կայո-Կոկո և Կայո-Գիլիերմո առողջարաններ: Այդ մասին հաղորդել է Ռուսաստանի տուրօպերատորների ասոցիացիան (ՌՏՕԱ):
Կուբայի զբոսաշրջության բնագավառի ներկայացուցիչների հաղորդագրությունների համաձայն՝ Մորոնի մունիցիպալիտետի սահմանները, որին պատկանում Է Կայո-Կոկոն, փակ են: Բոլոր Էքսկուրսիաները երկրի այլ տարածաշրջաններ, ներառյալ Հավանան և Տրինիդադը, ժամանակավորապես դադարեցված են: Նաև սահմանափակված են վարձակալած ավտոմեքենաներով հանգստացողների ուղևորությունները Մորոնի սահմաններից դուրս:
Ուղեւորությունները և մյուս ակտիվությունները հյուրերին հասանելի են միայն Կայո-Կոկո և Կայո-Գիլիերմո առողջարանների տուրիստական գոտու սահմաններում: Կուբական կողմի գնահատումներով՝ էքսկուրսիաների սահմանափակումը կտևի երկու շաբաթից ոչ ավելի:
