ԱՄՆ պետքարտուղարի պաշտոնում առաջադրված Էնթոնի Բլինքենն ասել է, որ Բայդենի վարչակազմը վերանայելու է ամերիկյան անվտանգային աջակցությունն Ադրբեջանին: «Հաստատվելու դեպքում ես նոր թափ կհաղորդեմ ԱՄՆ-ի ներգրավվածությանը այնպիսի մշտական լուծում գտնելու համար, որը կապահովի ԼՂ անվտանգությունը եւ կօգնի երաշխավորել, որ նոր պատերազմ չբռնկվի: Սա ներառում է մեր ակտիվացումը ՄԽ շրջանակում եւ լրացուցիչ դիվանագիտական աշխատանք՝ երրորդ կողմերի ցանկացած նոր միջամտությունը կանխելու համար»,- ասել է նա։
Թեմայի շուրջ «Առաջին լրատվական»-ը զրուցել է միջազգայնագետ Սուրեն Սարգսյանի հետ:
«Բլինքենը պատասխանեց սենատորների հարցերին այնպես, ինչպես արդեն իսկ պատասխանել էր նրա ղեկավարը՝ ընտրված նախագահ Բայդենը: Ըստ էության՝ Բլինքենը նոր բան չի ասել, կրկնել է այն թեզերը, որոնք հայտարարվել էին Բայդենի շտաբի կողմից»,- նշեց Սարգսյանը:
Նոր վարչակազմը կկապիտալիզացնի արդյո՞ք այդ թեզերը: Սարգսյանի խոսքով՝ Բայդենին՝ «Ցեղասպանություն» եզրույթն օգտագործել և Ցեղասպանությունը ճանաչել կխանգարի այն, որ Թուրքիայի և Հայաստանի միջև հաշտեցման պրոցես սկսվի, Թուրքիայի իշխանությունները կարող են այդպիսի իմիտացիա ստեղծել և խնդրել չճանաչել Ցեղասպանությունը:
ՀՀ-ում ԱՄՆ դեսպան Լին Մ․ Թրեյսին «Ժողովրդավարությունն անգին է» վերտառությամբ հոդված է հրապարակել, որում ուշագրավ շեշտադրումներ կան։
«ԱՄՆ դեսպանի հոդվածի հրապարակման օրը պատահական չէր. նոր քաղաքականություն, նոր և կարևոր շեշտադրումներ կան»,- նշեց Սարգսյանը՝ հավելելով, որ Հայասատնի համար կարևոր են թիրախավորված մեսիջները:
Մանրամասները՝ տեսանյութում: