Այսօր՝ հունվարի 22-ին, ԱԺ-ում հրավիրվել է արտահերթ նիստ: Օրակարգում Բարձրագույն դատական խորհրդի անդամի թեկնածուներ Գագիկ Ջհանգիրյանի և Դավիթ Խաչատուրյանի ընտրության հարցն է:
«Մենք ինչ-որ շատ մեծ սպասումներ ենք գեներացնում, ուզում եմ պատրաստ լինենք իրողությունների, որոնք կարող են չհամապատասխանել այդ սպասումներին»,- հայտարարեց անկախ պատգամավոր Արման Բաբաջանյանը և հավելեց, որ ընդամենը լրացվում է ԲԴԽ անդամի երկու թափուր տեղ:
Նա կարևորեց այն իրողությունը, թե ինչպես են ԲԴԽ դատավոր անդամները պաշտպանության տակ առնում այսօրվա արատավորված դատական համակարգի օդիոզ դեմքերին. «Պարոն Ջհանգիրյանին և Խաչատուրյանին ԲԴԽ գործուղելուց հետո լավագույն արդյունքը, որ կարելի է սպասել, 5-ը 5-ի դեմ հարաբերակցությունն է: Եթե ուժերի այս հարաբերակցությունում Գագիկ Ջհանգիրյանին և Դավիթ Խաչատուրյանին ԲԴԽ ուղարկելու արդյունքում ձախողում ունենանք, իսկ դա շատ հավանական է, ապա ոչ միայն արդյունքն է վտանգվում, այլև մի ողջ ժողովրդի սպասումը»:
Պատգամավորն ընդգծեց, որ բոլոր օդիոզ դեմքերը պետք լքեն համակարգը. «2.5 տարվա ընթացքում արդարադատության գնացքը գնացել է հետ՝ դեպի Քոչարյանի ժամանակներ»:
Մանրամասն՝ տեսանյութում:
