Վրաստանի վարչապետին առընթեր կորոնավիրուսի դեմ պայքարի միջգերատեսչական համակարգող խորհրդի որոշման համաձայն՝ 21:00-ից մինչև 05:00-ն ընկած ժամանակահատվածում բնակիչների տեղաշարժի արգելքը կշարունակի գործել մինչև մարտի 1-ը:
Ըստ Վրաստանի տարածաշրջանային զարգացման և ենթակառուցվածքների նախարար Մայա Ցքիտիշվիլիի, մի շարք քաղաքներում որոշ սահմանափակումներ չեղարկվել են: Թբիլիսիում, Քութայիսում և Ռուսթավիում հունվարի 1-ից բացվել են բոլոր առևտրի կենտրոնները և խանութները: