Այս օրերին չափազանց կարևոր է, որ մեծ պոտենցիալ ու մեծ կապեր ունեցող մեր հայրենակիցները վերադառնան Սփյուռքից: Krisp ընկերության համահիմնադիր Դավիթ Բաղդասարյանը Սիլիկոնյան հովտում 10 տարի աշխատելուց հետո վերադարձել է Հայաստան՝ իր հետ բերելով նոր բիզնես, նոր աշխատատեղեր: Երեք տարվա ընթացքում Krisp ընկերությունը թռիչքային աճ է գրանցել:
Որքանո՞վ են շահագրգռված Սփյուռքի մեր հայրենակիցները վերադառնալ և նոր ստարտափներ, նոր մշակույթ ձևավորել: Թեմայի շուրջ Krisp ընկերության համահիմնադիր Արտավազդ Մինասյանը վստահեցրեց, որ շատերը ցանկություն ունեն վերադառնալու. «Իմ սփյուռքահայ ընկերների հետ քննարկում եմ վերադարձի հարցը, նրանցից շատերն ուզում են վերադառնալ, թեև անհանգստացած են երկրում տիրող իրավիճակով, քաղաքական իրավիճակով»:
«Եթե Հայաստանում ուզում ենք փոխել բիզնես մշակույթը, տնտեսությունը, իրավիճակը, պետք է նոր արյուն ներարկվի, տաղանդավոր, կրթված, տարբեր ոլորտների թոփ մասնագետներ պետք է գան Հայաստան, և փոխեն»,- նշեց Մինասյանը: Իսկ թե ինչով պետք է շահագրգռել մասնագետներին, նրա կարծիքով՝ դրա համար հիմնական գաղափարն այն է, որ եթե հայ ես և ուզում ես քո երկիրը հարատևի, պետք է օգնես, որ զարգանա, ու եթե դու չանես, ուրիշը չի անի դա:
Մինասյանը վստահեցրեց, որ ընկերությունում արդեն յոթ թոփ մասնագետներ կան, որոնք վերադարձել են Սփյուռքից:
Արտավազդ Մինասյանի խոսքով՝ IT ոլորտը պետք է դուրս գա իր շրջանակներից և մտնի այլ ոլորտներ, ինչը կնպաստի երկրի զարգացմանը:
Մանրամասն՝ տեսանյութում: