ՌԴ ԱԳ նախարար Սերգեյ Լավրովը հայտարարել է, որ հայ գերիների հարցը հնարավոր չի եղել լուծել, քանի որ հայկական իշխանությունները ռազմագերիների ոչ ամբողջական ցուցակներ են ներկայացրել ի սկզբանե։ Ռուսական կողմի մանիպուլյացիա է այս հայտարարությունը, որովհետև ինչպե՞ս էր հնարավոր ի սկզբանե ամբողջական ցուցակներ ներկայացնել, եթե հրադադարից 1,5 ամիս անց լավրովների թույլտվությամբ ու քավորությամբ Հադրութի շրջանից ևս 63 զինծառայող գերեվարվեց։ Թեմայի շուրջ «Առաջին լրատվական»-ը զրուցել է «Հանուն Հանրապետության» կուսակցության ղեկավար մարմնի անդամ Ռուբեն Մեհրաբյանի հետ:
«Գերիների հարցը հրատապ առաջնահերթություն է Հայաստանի համար: Տասնյակներով գերիներ գտնվում են Ադրբեջանում: Ի կատարումն նոյեմբերի 9-ի եռակողմ հայտարարության 8-րդ կետի, պետք է «բոլորը՝ բոլորի դիմաց» սկզբունքի համաձայն՝ Ադրբեջանը առանց պայմանների վերադարձներ հայ գերիներին: Բայց իրականություն այլ է: Ադրբեջանը ներկայացրեց գերիների ցուցակ, որոնց պատրաստ է վերադարձնել և վերադարձրեց, միջնորդը ռուսական առաքելության գեներալն էր, որ գերիներին բերեց հենց այն օրը, երբ Մինսկի խմբի երկու համանախագահողները Երևանում էին: Բայց գերության մեջ մնացել են մի քանի անգամ ավելի շատ գերեվարված անձինք, որոնց Ադրբեջանը պահում է որպես պատանդներ, և փորձում է պայմաններ թելադրել հայկական կողմին, իսկ հայկական կողմը չի համաձայնում: Ադրբեջանը փորձում է հնարավորինս շատ զիջումներ կորզել: Իսկ ռուսական կողմը դիրքավորվում է այնպես, կարծես թե չի կարողանում այդ հարցը լուծել»,- նշեց Մեհրաբյանը:
«Նոյեմբերի 9-ի փաստաթղթի իրականացման երաշախավորը՝ քավորը, ըստ էության, Ռուսաստանն է: Ռուսաստանը միտումնավոր մեղքը բարդում է ՀՀ-ի վրա: Ռուսաստանին չպետք է թույլ տանք մեզ հիմարի տեղ դնել»,- ընդգծեց քաղաքագետը:
Մանրամասն՝ տեսանյութում:
