Ընտրված նախագահ Ջո Բայդենը երդմամբ ստանձնեց ԱՄՆ նախագահի լիազորությունները: Բայդենը դարձավ ԱՄՆ 46-րդ նախագահը:
78-ամյա Ջո Բայդենի երդմնակալության արարողությանը մասնակցում էին նախկին նախագահներից երեքը՝ Բիլ Քլինթոնը, Ջորջ Բուշ կրտսերը և Բարաք Օբաման: Նախկին նախագահ Ջիմի Քարտերը երդմնակալությանը չէր մասնակցում առողջական խնդիրների պատճառով, իսկ Դոնալդ Թրամփը Վաշինգտոնը լքել էր այսօր առավոտյան:
ԱՄՆ նորընտիր նախագահը Հանրապետական կուսակության անդամ է:
«Ես՝ Ջոզեֆ Ռոբինետ Բայդեն Կրտսերս, երդվում եմ, որ ազնվորեն հանդես եմ գալու որպես ԱՄՆ նախագահ և ամբողջ ուժով ծառայելու, պահպանելու և պաշտպանելու եմ Միացյալ Նահանգների Սահմանադրությունը: Թող Աստված օգնի ինձ»,– ասաց նա։
Բայդենը շեշտեց` սա Ամերիկայի օրն է, ժողովրդավարության օրը։
«Սա պատմության և հույսի թարմացման օրն է։ Այսօր մենք նշում ենք ոչ թե թեկնածուի, այլ նպատակների հաղթանակը։ Նպատակը ժողովրդավարությունն է։ Ժողովրդի կամքը լսվեց։ Մենք կրկին պարզեցինք, որ ժողովրդավարությունը թանկ է, փխրուն։ Եվ այս պահին, բարեկամներ, ժողովրդավարությունը հաղթանակեց», – ասաց Բայդենը։
