Այսօր՝ հունվարի 20-ին, ԱԺ-Կառավարություն հարցուպատասխանի ժամանակ ԲՀԿ խմբակցության պատգամավոր Նաիրա Զոհրաբյան, դիմելով վարչապետին, ասաց. «Դուք մեղավոր եք, որ Հայաստանը տարաք երաշխավորված պարտության, դուք մեղավոր եք, երբ հնարավորություն կար այս կործանարար պատերազմը կանգնեցնել 4-րդ, 5-րդ, 6-րդ, 19-րդ, 20-րդ օրը, ունենալ ավելի քիչ տարածքային կորուստներ և ավելի քիչ զոհեր, և չեք արել, որովհետև ձեզ կասեին «Նիկոլ, դավաճան»»:
«Չե՞ք կարծում, որ քաղաքական ու բարոյական պատասխանատվությունը ենթադրում էր, որ նոյեմբերի 10-ին` այդ կապիտուլյացիոն ցեղասպանության փաստաթուղթը ստորագրելուց հետո, դուք և ձեր իշխանությունը պիտի հրաժարական տայիք»,- ասաց Նաիրա Զոհրաբյանը:
«Ավելի քիչ հողային կորուստներով պատերազմը կանգնեցնելու հնարավորություն մենք չենք ունեցել, և դա միֆ է: Միֆ է նաև, որ մենք պատերազմը կանգնեցնելու ուղղությամբ քայլեր չենք ձեռնարկել»,- նշեց վարչապետը և հիշեցրեց զինադադարի վերաբերյալ պայմանավորվածությունները:
Նա հավելեց, որ հետին թվով հիմա արձանագրվում է, որ քաղաքական ուժերի մեծամասնությունը տարածքները հանձնելու կողմնակից է եղել և այդ մասին չի բարձրաձայնել:
Փաշինյանը ընդգծեց, որ իր պատասխանատվությունը նոյեմբերի 9-ով չի ավարտվում:
Մանրամասն՝ տեսանյութում: