Բժշկական գիտությունների դոկտոր, Սիբիրի և Հեռավոր Արևելքի ժանտախտի դեմ պայքարի Իրկուտսկի գիտահետազոտական ինստիտուտի տնօրեն, պրոֆեսոր Սերգեյ Բալախոնովն ասել է, թե երբ է հնարավոր ամբողջովին արմատախիլ անել կորոնավիրուսը: Այս մասին հաղորդում է «Ռոսիյսկայա գազետա»-ն:
Նրա խոսքով, COVID-19-ի անհետացումը հնարավոր կլինի այն դեպքում, եթե աշխարհի բնակչության 65-70%-ն իմունիտետ ձեռք բերի վարակի նկատմամբ: Նա շեշտել է, որ խոսքը վարակվելուց հետո ի հայտ եկող, այլ ոչ թե պատվաստումների արդյունքում առաջացած իմուտիտետի մասին է:
Լավագույն դեպքում այս ցուցանիշը պետք է կազմի 90%, ընդգծել է մասնագետը: Այս դեպքում կարելի է խոսել հարուցիչի նկատմամբ լիակատար հաղթանակի մասին, քանի որ այն չի կարող գոյություն ունենալ ընկալունակ օրգանիզմից դուրս:
Բալախոնովը նաև նախազգուշացրել է, որ SARS-CoV-2-ի ամբողջական անհետացումը քիչ հավանական է: Նրա կարծիքով, ապագայում կորոնավիրուսը նույն շարքում կլինի գրիպի հետ:
Նա հիշեցրել է, որ իրավիճակի լարվածությունը հնարավոր է թուլացնել պատվաստումների, հետինֆեկցիոն իմունիտետի և քաղաքացիների պատասխանատու վարքի շնորհիվ:
