2.5 տարի շարունակ փորձել են դատել Շուշի ազատագրողներին, Քարվաճառն ազատագրողներին, ինչն ուղիղ նպաստել է այն ամենին, ինչ կատարվեց հիմա՝ երկու ամիս առաջ՝ վարկաբեկելով բանակը, վարկաբեկելով երեք գեներալ-գնդապետի։ Այս մասին դատական նիստին հայտարարեց ՀՀ երկրորդ նախագահ Ռոբերտ Քոչարյանը։
«Երբ ազգը չի մեծարում իր հերոսներին, մնում է առանց հերոսների։ Եթե մարդիկ աջակցում էին այն պաշտոնյաներին, որոնք ուղղակի պատասխանատու են այս ամենի՝ կորուստների, անհետ կորածների համար՝ կամա, թե ակամա՝ մտածելով, չարամտությամբ, թե չմտածելով հետևանքների մասին՝ նպաստել են այս ամենին։ Սա իմ համոզմունքն է, որը ես արտահայտելու եմ ամեն տեղ՝ ներառյալ այս դատական նիստերին»,- նշեց Քոչարյանը։