Խորհրդարանն առաջին ընթերցմամբ ընդունեց հակակոռուպցիոն և վերաքննիչ հակակոռուպցիոն դատարաններ ստեղծելու օրենսդրական փաթեթը։ Նախագծով առաջարկվում է ստեղծել մասնագիտացաված հակակոռուպցիոն վերաքննիչ դատարան՝ առնվազն՝ 10 դատավորի թվակազմով:
Ըստ առաջարկվող փոփոխությունների՝ նաև Վճռաբեկ դատարանի քրեական պալատում որոշակի հաստիքների ավելացում է նախատեսվում: Սահմանվել է նաև Հակակոռուպցիոն և վերաքննիչ հակակոռուպցիոն դատարանի դատավոր նշանակելու ավելի խիստ սահմանափակումներ:
Նախագծերի փաթեթով առաջարկվում է ստեղծել նոր քննչական մարմին, հակակոռուպցիոն կոմիտե:
Թեմայի շուրջ «Առաջին լրատվական»-ը զրուցել է ԱՆ Հակակոռուպցիոն քաղաքականության մշակման և մոնիթորինգի վարչության պետ Մարիամ Գալստյանի հետ:
Նրա խոսքով՝ վեթինգ ինչ-որ չափով նախատեսված էր Դատական օրենսգրքի փոփոխությունների նախագծով, որն ընդունվեց մարտին և որի հիման վրա Կոռուպցիայի կանխարգելման հանձնաժողովը ներկայումս իրականացնում է ԲԴԽ-ի, ՍԴ-ի դատավորների և նրանց գույքային դրության ստուգում:
«Հակակոռուպցիոն դատարանների ստեղծումը ոչ թե միայն դատական համակարգին էր ուղղված, այլև հակակոռուպցոին ընդհանուր ինստիտուցիոնալ համակարգի մի մաս էր»,- նշեց ԱՆ Հակակոռուպցիոն քաղաքականության մշակման և մոնիթորինգի վարչության պետը և վստահեցրեց, որ Կոռուպցիայի կանխարգելման հանձնաժողովն արդեն գործում է և բավականին լուրջ արդյունքներ է գրանցել, գործում են նաև Հակակառուպցիոն կոմիտեն և Դատախազությունում մասնագիտացված ստորաբաժանումը:
«Հակակոռուպցիոն կոմիտեն ու դատարանը թալանը հետ բերելու նոր միջոց են»,- ընդգծեց Գալստյանը:
Մանրամասն՝ տեսանյութում: