Այսօր՝ հունվարի 18-ին, Ազգային ժողովում մեկնարկել է յոթերորդ գումարման նստաշրջանի հերթական նիստը:
«Պարոն նախարար, ես պատգամավոր եմ և պատգամավոր՝ ոչ պետաիրավական հարցերի հանձնաժողովից, և ոչ էլ կառավարության խորհրդատուն եմ, և ես իմ պարտականություններն եմ կատարում, որոնք չեն ներառում ձեզ առաջարկներ մշակելու աշխատանքը, թեև դրանք կանեմ»,- ի պատասխան արդարադատության նախարար Ռուստամ Բադասյանի և «Իմ քայլի» պատգամավոր Սուրեն Գրիգորյանի ելույթների հայտարարեց անկախ պատգամավոր Արման Բաբաջանյանը և հավելեց. «Ընկերովի հարձակումների այս ոճը լավագույնս չի բնութագրում ձեզ: Դուք եք փող ստանում ձեր աշխատանքի համար, և շատ ազնիվ է ձեր կողմից, երբ ասում եք, որ այդքանն եք կարողանում անել և իմ քննադատության սլաքներն ուղղում եք շատ հայտնի շրջանակ»:
Նա ընդգծեց. «Այն, ինչ այսօր կատարվում է փողոցում` բռնի, ընդհուպ զինված հեղաշրջման մասին անթաքույց կոչերի և հարցազրույցների տեսքով, չէր լինի, եթե քաղաքական մեծամասնությունը 2019թ. մայիսին դատական համակարգը վիրաբուժական միջոցներով առողջացնելու վերաբերյալ վարչապետ Նիկոլ Փաշինյանի ստանձնած հանձնառությունը մեկուկես տարի հետո ինչ-որ անհասկանալի ու անհիմն պատճառաբանություններով չտապալեր»:
