Այսօր՝ հունվարի 18-ին, Ազգային ժողովում մեկնարկել է յոթերորդ գումարման նստաշրջանի հերթական նիստը: Այժմ քննարկվում է Դատական օրենսգրքում փոփոխություն կատարելու մասին օրենքի նախագիծը:
«Լուսավոր Հայաստանի» պատգամավոր Անի Սամսոնյանը նշեց, որ նախորդ տարի դեռևս իր հարցմանն ի պատասխան ասվել է, որ մասնագիտացված Հակակոռուպցիոն դատարանի ստեղծման համար կպահանջվի 4 մլրդ 508 մլն դրամ. «Հիմա նաև ասվում է, որ 1 մլրդ էլ կպահանջվի շենքի վերանորոգման համար: Սոցիալական այսպիսի պայմաններում մեզ այդ դատարանը ստեղծելու հաճույքը կարժենա 5 մլրդ 508 մլն դրա ՞մ, թե ՞ այդ 1 մլրդ-ը մտնում է 4 մլրդ-ի մեջ»:
Պատգամավորը արդարադատության նախարարից հետաքրքրվեց նաև, թե որ երկրների փորձով են առաջնորդվել, որոնք ունեն արդյունավետ աշխատող Հակակոռուպցիոն դատարաններ. «Տպավորություն է, որ կոռուպցիայի դեմ պայքարելու համար մեզ միայն այս դատարանն էր պետք, և վերջ»:
Մանրամասն՝ տեսանյութում: