Samsung Electronics-ի փոխնախագահ և Samsung Group-ի գլխավոր ժառանգորդ Լի ՉԺե Ենը ազատազրկման է դատապարտվել երկու տարի վեց ամիս ժամկետով՝ նախկին նախագահ Պակ Կըն Հեի մտերիմ ընկերուհուն 8.9 միլիարդ վոն (մոտ 8 դոլար) կաշառք տալու համար՝ կոնգլոմերատի մի շարք դուստր ձեռնարկությունների միավորման հարցում կառավարության աջակցության դիմաց: Այս մասին հաղորդում է Yonhap գործակալությունը:
«Ամբաստանյալը ենթարկվել է նախկին նախագահ Պակ Կըն Հեի պահանջներին և կաշառք տվել, հորից իշխանությունը ստանալու համար նա անուղղակիորեն նախագահի իշխանությունն օգտագործելու բարոյազուկ առաջարկ է արել»,- հայտարարել է դատարանը:
Պակ Կըն Հեն 2017թ.-ին պաշտոնանկ է արվել իմպիչմենթի միջոցով՝ կոնգլոմերատների հետ կապերի, կաշառակերության և լիազորությունները չարաշահելու համար: Նա դատապարտվել է 22 տարվա ազատազրկման: Այդ ժամանակ ձերբակալվել է նաև Լի Չժի Ենը: