Բելառուսում քրեական աշխարհի նոր «վերահսկող» է հայտնվել՝ վրացի «օրենքով գող» Մինդիա Գորաձեն («Լավասողլի Բաթումսկի»), հաղորդում է «Prime Crime»-ը: Գորաձեն վեց ամիս գտնվելով Մինսկի թիվ 1 քննչական մեկուսարանում՝ իր վերահսկողության տակ է վերցրել քրեական ոլորտում տեղի ունեցող գործընթացները:
Գորաձեն հունվարի սկզբին Բելառուսում նույնիսկ իր հովանավորյալին է նշանակել՝ Սաշա Պոզնյակին: Ընդ որում, Գորաձեն խստորեն քննադատել և հրաժարվել է «օրենքով գող» համարել հայտնի հեղինակությունների՝ Պավել Ալիքսիևիչին («Պաշտետ») և Ալեքսանդր Կուշներովին («Կուշներ»), որոնք մինչ այդ առաջատար դիրքեր էին զբաղեցնում Բելառուսի հանցաշխարհում:
Նշվում է, որ Գորաձեն հաջողել է նման վերելք ունենալ «օրենքով գողի» իր հետևողական վարքագծի շնորհիվ, որը բացառում է ցանկացած համագործակցություն բանտի վարչակազմի հետ:
Մասնավորապես, հայտնի է, որ Լավասողլի Բաթումսկին երկու անգամ կարել է իր բերանը Մինսկի քննչական մեկուսարանում հացադուլների ժամանակ:
