G7-ի երկրների գագաթնաժողովը տեղի կունենա Մեծ Բրիտանիայում հունիսի 11-13-ը: Այս մասին հաղորդում է RIA Novosti-ն՝ հղում անելով Միացյալ Թագավորության վարչապետ Բորիս Ջոնսոնի գրասենյակի հաղորդագրությանը:
Հայտնի է դարձել, որ համաշխարհային առաջնորդների հանդիպումը տեղի կունենա Ատլանտյան օվկիանոսի առափնյա Քորնուոլ թերակղզու Կարբիս Բեյ առողջարանային քաղաքում: Նշվում է, որ որպես հյուր երկրներ գագաթնաժողովին հրավիրվել են Ավստրալիան, Հնդկաստանը և Հարավային Կորեան:
Գրասենյակը հաղորդել է, որ հանդիպման մասնակիցները կքննարկեն կորոնավիրուսի դեմ պայքարի և կլիմայական փոփոխությունների հիմնախնդիրները: