ԱՄՆ-ը հայտնաբերել է մետաղների 15 տեսակ, որոնց տեղափոխումը Իրան կհանգեցնի պատժամիջոցների: Այս մասին ասվում է ԱՄՆ պետքարտուղար Մայքլ Պոմպեոյի հայտարարության մեջ:
«Իրանի միջուկային, հրթիռային-բալիստիկ և ռազմական ծրագրերը շարունակում են վտանգ ներկայացնել համաշխարհային անվտանգության համար: Այս սպառնալիքներին հակազդելու համար ես ընդլայնում եմ Պետդեպի պատժամիջոցների շրջանակը՝ կապված մետաղների և Իրանի հետ», – ասված է հայտարարության մեջ:
Թեհրանը երբեք չի հաստատել, որ միջուկային զենք է մշակում: 2015 թվականին Ռուսաստանը, Միացյալ Նահանգները, Ֆրանսիան, Բրիտանիան, Չինաստանը և Գերմանիան պատժամիջոցների չեղարկման դիմաց համաձայնագիր ստորագրեցին Իրանի իշխանությունների հետ՝ միջուկային ծրագիրը սառեցնելու մասին: Փաստաթուղթը ստացել է Գործողությունների համատեղ համապարփակ պլան (ՀՍԳԳ) անվանումը: 2018-ի մայիսին ԱՄՆ նախագահ Դոնալդ Թրամփը միակողմանի հայտարարեց գործարքից ԱՄՆ-ի դուրս գալու մասին:
