ԱՄՆ պետքարտուղար Մայք Պոմպեոն ասել է, որ COVID-19-ը կարող էր առաջանալ Ուհանի վիրուսաբանության ինստիտուտում: Նրա խոսքով՝ 2019-ի աշնանը հետազոտական կենտրոնի աշխատակիցները հիվանդ էին անհայտ վիրուսով: Դրանից առաջ ինստիտուտի լաբորատորիաներում կատարվել են կորոնավիրուսի փորձեր: Չինացի գիտնականները փորձել են այն ավելի մահացու ու վարակիչ դարձնել:
Պաշտոնական Չինաստանը չի մեկնաբանում ամերիկացի դիվանագետի հայտարարությունները: Ավելի վաղ Չինաստանի արտգործնախարարության խոսնակը հայտարարել էր, որ ինքը չի պատրաստվում վատնել իր ժամանակը «այդ ամերիկացու» վրա, որը տարածում է հսկայական քանակությամբ կեղծ լուրեր: