ԱՄՆ Կապիտոլիումի գրավման փաստով հարուցվել է 98 քրեական գործ, հաղորդում է «ՌԻԱ Նովոստի»-ն՝ հղում անելով դաշնային դատախազի ժ/պ Մայքլ Շերվինին:
Նա պարզաբանել է, որ դեպքերի մեծ մասը դաշնային են, ծանր հանցագործությունների մեղադրանքով:
Բացի այդ, 275 կասկածյալների վերաբերյալ գործեր են բացվել: «Օրվա վերջին դրանք 300-ից ավելին կլինեն»,- հավելել է Շերվինը:
Իր հերթին, ՀԴԲ ներկայացուցիչ Սթիվեն Դանտուոնոն ասել է, որ բերման է ենթարկվել ավելի քան 100 մարդ, և հայտնաբերվել է ավելի քան 270 կասկածյալ:
Հունվարի 6-ին ԱՄՆ գործող նախագահ Դոնալդ Թրամփի կողմնակիցները ներխուժել են Կոնգրեսի շենք՝ ընդհատելով նիստը, որի ընթացքում խորհրդարանը պետք է հաստատեր նախագահական ընտրությունների արդյունքները: Միջադեպի արդյունքում հինգ մարդ է զոհվել: Կոնգրեսի Ներկայացուցիչների պալատը իմպիչմենթի է ենթարկել Թրամփին՝ անկարգություններ հրահրելու մեղադրանքով: