Այսօր հնչում է տեսակետ, որ մտավորականություն երևույթը արհեստածին է, բնորոշ է Խորհրդային Միությանը, երբ ստեղծվել են արվեստագետների, գրողների, ճարտարապետների և այլ արհեստածին միություններ՝ բոլշևիզմի գաղափարը սպասարկելու համար, երբ անհատը վերածվել է միության անդամի: Թեմայի շուրջ «Առաջին լրատվական»-ը զրուցել է գեղանկարիչ Սամվել Սևադայի հետ:
«Իսկապես այդ երևույթը Խորհրդային Միության ծնունդ էր, ես 17 տարի ապրել եմ ԱՄՆ-ում, և չեմ հիշում, որ լսած լինեմ «երկրի մտավորականություն» արտահայտությունը: Ամեն մարդ, ով մտածում է, արդեն մտավորական է, և ամեն մարդ կարող է իր կարծիքը հայտնել: Այլ հարց է, թե ինչ մակարդակով է արտահայտում իր կարծիքը: Հիմա, ցավոք, տարածված է հայհոյախոսությունը»,- նշեց մեր զրուցակիցը:
«Չկա այլևս «սև ու սպիտակ», բոլորս «սև» ենք. ատելությունն ու թշնամանքը երկիրը տանում է կործանման»,- ընդգծեց գեղանկարիչը:
«Բոլորը պատասխան են պահանջում, ոչ ոք չի ուզում պատասխան տալ: Ոչ մեկը չի մտածում, որ ամեն մեկս պատասխանատու ենք ստեղծված իրավիճակի համար: Ամեն մեկս պիտի մեզ հաշիվ տանք՝ ի՞նչ ենք անում մեր երկրի համար»,- նշեց Սամվել Սևադան:
Մանրամասները՝ տեսանյութում: