Ռազմագերիների և ձերբակալված քաղաքացիական վերադարձի հարցն առաջնային է: Բայց որքանո՞վ է արյունավետ հետպատերազմյան այս իրավիճակում օրակարգ բերել միայն այս հարցը:
Վերլուծաբան Աղասի Մարգարյանի դիտարկմամբ՝ ոչ միայն հետպատերազմական իրավիճակում, այլ նաև պետության կյանքի ցանկացած դրվագում հարցերը միմյանց ստորադասելը նպատակահարմար չէ: «Անշուշտ հասկանալի է, որ գերիների և անհետ կործաների հումանիտար հարցը և՛ էմոցիոնալ, և՛ զուտ պրակտիկ դաշտում առաջնային կարևորություն ունի, բայց պետության կյանքում չեն կարող լինել ստորադասված հարցեր»:
Վերլուծաբան Գոռ Մադոյանը, անդրադառնալով հարցին, թե ինչու չի հասունանում արտահերթ խորհրդարանական ընտրությունների հարցը, թեև այն համարվում է ներքաղաքական ճգնաժամը լուծելու ամենաարդյունավետ տարբերակը, նշեց, որ ելնելով թե՛ իշխանական, թե՛ ընդդիմադիր ուժերի կողմից հնչող հայտարարություններից՝ նկատելի է, որ իշխանություններն ավելի շահագրգռված են արտահերթ ընտրություններ անցկացնելու հարցում, այլ հարց են ժամկետները և իրավիճակը: «Ընդդիմադիր 16+ ուժերի համար ներկա պահին իրատեսկան չէ արտահերթ ընտրություններում հաղթանակ արձանագրելը: Նրանք փողոցային պայքարի ժամանակ տեսան, որ չունեն բավարար հասարակական աջակցություն՝ իշխանություններին ինչ-որ բան պարտադրելու համար»,- նշեց Մադոյանը:
Այս օրերին լրատվամիջոցներում «Մտավորականների հրատապ հավաք» վերտառությամբ հրապարակումներ եղան, դրանց հաջորդեցին քննադատություններ, շատերը նշում են, որ չեն ճանաչում որպես մտավորական հանդես եկողներին: Անդրադառնալով այս դիտարկմանը՝ Աղասի Մարգարյանը նշեց. «Պետք է ազնիվ լինենք և արձանագրենք, որ Հայաստանում հիմա մտավորական խավ չկա: Խորհրդային Միությունն ուներ իր մտավորականների խավը: Այժմ նեղ խմբակային ժողովներ են հրավիրվում և վերամբարձ հայտարարություններ են արվում: Այդ հավաքույթներում տեսնում ենք մարդկանց, ովքեր նախկին իշխանությունների օրոք նստած են եղել պետական բյուջեից եկող երակների վրա»:
Մանրամասն՝ տեսանյութում: