Sunday, 07 03 2021
13:15
Սննդատեսակ, որ կարելի է ուտել նաև գիշերը
Բողոքի ցույցեր և քաոս Հայաստանում. Երբ հրթիռները չեն պայթում, բայց, այնուամենայնիվ, վնաս են պատճառում. Frankfurter Rundschau (Գերմանիա)
Լարսի ռուսական կողմում կա մոտ 520 կուտակված բեռնատար ավտոմեքենա
12:30
Երեք պարզ վարժություն՝ սրտի կաթվածի ռիսկը նվազեցնելու համար
12:15
Մասնագետները խոսել են լյարդի ցիռոզի անսովոր ախտանիշների մասին
12:00
Գիտնականները կանխատեսում են թթվածնային նոր աղետ
Հալաբյան փողոցում տեղի է ունեցել ՃՏՊ․ կա երկու զոհ
Սյունիքի մարզում ո´չ ճանապարհներին, ո´չ գյուղերի անմիջական հարևանությամբ դրոշներ ու ցուցանակներ չպետք է լինեն. ՄԻՊ
Հայաստանում հաստատվել է կորոնավիրուսով վարակվելու 422 նոր դեպք. Ունենք 130 առողջացած մարդ և 2 մահ
11:15
Շինարարները Թուրքիայում խորհրդավոր հին սարկոֆագ են գտել
11:00
Խոշոր կենդանիների անհետացումը կրկնապատկել է մարդու ուղեղը. հնէաբաններ
10:45
Անջելինա Ջոլին վաճառել է Չերչիլի նկարը ռեկորդային՝ 11,6 միլիոն դոլարով
Արտահերթ ընտրություններն իրավիճակից ելք չի կարելի համարել․ խնդիրը շատ ավելի խորքային է
10:15
Արքայազն Հարրին Օփրա Ուինֆրիին տված հարցազրույցում պատմեց մոր մասին
Այս օրերին կորոնավիրուսի դեպքերի աճը բնական երևույթ էր. աշխարհը պետք է բացվի, այլևս անհնար է
09:54
Պոմպեյի մերձակայքում անտիկ սայլ է հայտնաբերվել՝ էրոտիկ պատկերներով
Ինչ եղանակ է սպասվում առաջիկա օրերին
09:30
Հայտնի են 2020 թվականի ամենատարածված գաղտնաբառերը
09:15
Արցախը գրկաբաց սպասում է բոլորիդ
«Իսկանդեր»-ն ու հայ-ռուսական հարաբերության առողջության ճանապարհը
00:00
Աշխարհում կորոնավիրուսից մահացությունների թիվը գերազանցել է 2,57 միլիոնը
Պուտինը ուղերձ է հղել Իրանի հոգևոր առաջնորդին
Twitter-ում առաջին թվիթը գնահատվել է 1 միլիոն դոլար
23:20
Դալայ Լաման պատվաստվել է կորոնավիրուսի դեմ
Ահազանգ է ստացվել, որ «Դալմա-մոլ» առևտրի կենտրոնում ռումբ է տեղադրված
23:00
Բրիտանիայի ափերի մոտ թռչող նավ են նկարահանել
22:45
Ինդոնեզիայում կոկորդիլոսի ստամոքսից դուրս են բերել 8-ամյա երեխայի մարմին
22:30
Պետդեպարտամենտի նախկին աշխատակիցը, որը ձերբակալվել է Կապիտոլիումի գրոհին մասնակցելու պատճառով
Ռուսաստանում գրանցվել է դեպի Վրաստան ավիատոմսերի պահանջարկի 37 անգամ աճ
ՀՀ առողջապահության նախարարն այցելել է Սյունիք

Նիկոլ Փաշինյանը չի կարող այլևս որևէ բանակցային ուժ ներկայացնել. Սարգիս Շահինյան

«Առաջին լրատվական»-ի զրուցակիցն է ՇվեյցարիաՀայաստան խորհրդարանական խմբի ընդհանուր քարտուղար Սարգիս Շահինյանը (Շվեյցարիա)։

 Պարոն Շահինյան, Մոսկվայի այցից առաջ մտավախություններ ունեիք ստորագրվելիք փաստաթղթի հետ կապված։ Հանդիպումից հետո մտահոգությունները փարատվե՞լ են, թե՞ ոչ։ Մասնավորապես, բաց է մնացել ռազմագերիների հարցը։

– Մտահոգիչ չէ, անընդունելի է. չէր կարելի, որ որևէ փաստաթուղթ որևէ ձևով աջակցություն ունենար հայկական կողմից, քանի դեռ լուծված չէ ռազմագերիների և զոհվածների մարմինների վերադարձի հարցը: Ես չեմ կարող հասկանալ, թե ինչու վարչապետը հասկանալով, որ այլևս որևէ տեսակ բանակցության ուժ չունի, գնում է բանակցելու: Դրա պատճառներից մեկն այն է, որ ինքը ոչ միայն պարտված կողմի վարչապետն է, այլ հենց ամբողջ վարչակազմի ներկայացուցիչն է, որը պարտվեց ոչ միայն պատերազմի դաշտում, այլև իր կազմակերպչական և համակարգի խնդրի հետ կապված հարցերում, ինքը չի կարող այլևս որևէ բանակցային ուժ ներկայացնել: Դա է պատճառը, որ ես որևէ անձնական հակազդեցություն չունենալով նրա հանդեպ, ամենայն պատասխանատվությամբ ասում եմ, որ այլևս ինքը չպետք է ներկայանա որպես բանակցող, որովհետև իր առջև ինչ դրվի, ինքը ստիպված պիտի լինի ստորագրել, ինչպես արեց հունվարի 11-ին: Սա մեզ համար միմիայն բացասական հետևանքներ է ունենալու:

Սփյուռքը որքանո՞վ է համարժեք արձագանքում Հայաստանում տեղի ունեցող գործընթացներին։ Շատերն այդ արձագանքը իներտ են համարում, դա ինչո՞վ է պայմանավորված:

– Սփյուռքի լռությունը պայմանավորված է անզորությամբ, որովհետև զրուցակից չկա: Որևէ ինստիտուտ այսօր ի վիճակի չէ Սփյուռքի հետ զրուցելու: Միակ ինստիտուտը, որ մի քիչ այդ հնարավորությունը տալիս է, ՀՀ նախագահի աշխատակազմն է, բայց ոչ վարչապետի աշխատակազմը և ինքը վարչապետը, ոչ էլ խորհրդարանի նախագահը: Այս երկու ինստիտուտները բոլորովին ի վիճակի չեն երկխոսություն փնտրելու և պատրաստ չեն զրուցելու Սփյուռքի հետ: Սփյուռքն ուրիշ ճար չունի, քան նախաձեռնություններ ստեղծել, հավաքական կամ փորձագիտական կարծիքներով հանդես գալ, ինչն էլ անում է: Բայց ինչ էլ անենք, եթե չունենանք զրուցակից, որը պատրաստ է ընդհանրապես գաղափարներ ստանալու, խորհրդի ու խրատի մասին ընդհանրապես չխոսենք, ոչինչ չի ստացվի: Վարչապետը որևէ ձևով ի վիճակի չէ և պատրաստ չէ դրան, ի՞նչ առաջարկենք: Առաջարկենք, որ օդում մնա՞:

– Վարչապետը հայտարարել է, որ դատական համակարգում լրջագույն փոփոխություններ են անելու, պետք է զարգացում տեղի ունենա այս իրավիճակը հաղթահարելու համար: Կարծում եք՝ այս իշխանությունը չի՞ կարող դա իրականացնել:

– Վարչապետի պատրաստակամությունը ընդհանրապես պայմանավորված չէ մարդկանց հետ խոսելու, դատական համակարգում վիճակը փոխելու խնդրով: Պայմանավորված է միմիայն ճիշտ ժամանակին, ճիշտ մարդկանց կողմից խրատներ ստանալու իր անձնական պատրաստակամությամբ: Բայց ինքը այդ մոդուսի մեջ չէ: Դրա մեջ չէր պատերազմի ընթացքում, այդ մոդուսի մեջ չէր նոյեմբերի 9-ին և այդ մոդուսի մեջ չէ դրանց հետևած քայլերի ընթացքում: Դա նման է նրան, որ տան սավանները փոխենք, որ ավելի լավ կարողանանք քնել, բայց դու փոխվե՞լ ես մտքիդ մեջ: Ինքն իր մտքի մեջ չի փոխվում, և ես չգիտեմ, թե որքանով է ճիշտ իրենից այդ բանը պահանջելը, որովհետև ինքն ի վիճակի չէ, ինքն այդ ճկունությունը չունի, այդ հանգստությունը չունի: Եվ դրա համար է, որ ինքն այլևս ճիշտ տեղում չէ:

Հիմա կա օրենսդրական նախաձեռնություն, որը հնարավորություն կտա, որ Սփյուռքի ներկայացուցիչները նշանակվեն Հայաստանում նախարարներ, փոխնախարարներ: Սա կարո՞ղ է փոխել իրավիճակը երկրում:

– Դա չի կարևորը: Խնդիրն այն չէ, որ Սփյուռքի ներկայացուցիչները դառնան պաշտոնյա, խնդիրն այն է, որ Հայաստանում պետք է լինի իսկապես ազգային վարչակազմ՝ սկսած օրենսդրից: Պետք է խոսել այն մասին, թե Սփյուռքում ապրող հայերը որքանով իրավունք ունեն ՀՀ քաղաքացի լինել, և որքանով իրավունք ունեն քվեարկելու և քվեարկվելու: Խոսենք այն մասին, որ այդ պլատֆորմը, որ ստեղծվելու է, ոնց պետք է կարողանա պատրաստել այդ նյութերը և, ամենակարևորը, որ ինձ ամենից շատ հուզում է, ոնց պետք է դրանցից սնվի թե՛ վարչապետը, թե՛ վարչակազմը: Եթե այդ մեխանիզմները չլինեն, պարապ բան է ընդհանրապես պաշտոնի մասին խոսելը: Մեկը նախարար դառնա, մյուսը՝ մեկ այլ պաշտոնյա, դա ոչ մի բան չի փոխելու, եթե համակարգը չփոխվի:

Իսկ ինչպե՞ս եք գնահատում ՀՀ նախագահ Արմեն Սարգսյանի ծավալուն հոդվածը, որտեղ խոսվում է Չորրորդ հանրապետության մասին:

– Չեմ կարող մեկնաբանել, քանի որ չեմ կարդացել, բայց տեսնելով իր քայլերը, ես պետք է ասեմ, որ գուցե այս ամբողջ չեղած համակարգի մեջ միակ անձնավորությունն է, միակ ինստիտուտն է, որ ի վիճակի է ստեղծված վիճակի մասին նստել ու խորհել: Ոչ միայն նախագահն ինքը, այլ ամբողջ աշխատակազմը, որովհետև այնտեղ կան մարդիկ, որոնք ի վիճակի են թե՛ խորհելու, թե՛ գործելու, սակայն նրանք գործադիր պատասխանատվություն չունեն: Դա գալիս է նրանից, որ մեր Սահմանադրությունը այդ հարցում սարսափելի խոցելի է: Երբ խոսում ենք սուպերվարչապետության մասին, կարևոր խոցելի կետերից մեկը հենց դա է: Փաստացի քարտ-բլանշ է տրված վարչապետին, որ կարող անել այն, ինչ ուզում է: Եթե թարսի պես Նիկոլ Փաշինյանի նման մի մարդու հանդիպենք, որը ոչ աջ, ոչ ձախ է նայում, դա շատ վատ է: Խնդիրն այն չէ, որ նա չի շեղվում իր ուղուց, այլ այն, որ նա ճիշտ խորհուրդներ չի փնտրում: Մենք գործ ունենք մեկի հետ, որը սիստեմիկ խնդիր ունի, մենք հավասարակշռված վարչապետ չունենք: Սա իմ ամենամեծ մտահոգությունն է:

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});