Մոսկվայում տեղի ունեցավ Պուտին-Փաշինյան-Ալիև ձևաչափով հանդիպումը: Գլխավոր հարցը, որն այսօր հուզում է հայ հանրությանը, գերիների խնդիրը մնաց չլուցված: Ինչի՞ հետևանք է սա՝ անկարողությա՞ն, ոչ պրոֆեսիոնալիզմի՞, թե՞ պարտված կողմ լինելու։ Թեմայի շուրջ «Առաջին լրատվական»-ը զրուցել է մշակութային մարդաբան Աղասի Թադևոսյանի հետ:
«Պատերազմից հետո գերիների փոխանակումը առաջնային կարևորության գործողություններից մեկն է, եթե պատերազմող կողմերը փորձում են ցույց տալ պատրաստակամություն հետագա հարաբերությունները բանակցային եղանակով կարգավորելու վերաբերյալ: Իսկ երբ դա տեղի չի ունենում և խոչընդոտներ են ստեղծվում, նշանակում է, որ թշնամին փորձում է և՛ հոգեբանական, և՛ դիվանագիտական տեսանկյունից ճնշում գործադրել՝ օգտագործելով այդ գործոնը»,- նշեց Թադևոսյանը՝ հավելելով, որ այդ խաղաքարտը Ադրբեջանը փորձելու է երկար ժամանակ խաղարկել:
Տարբեր հարցեր են այսօր հնչում, սակայն ամենից էական հարցը՝ գեներալիտետի պատասխանատվության հարցը 5000 հայ զինվորի մահվան հարցում, դուրս է մնացել օրակարգից։ Անդրադառնալով այս դիտարկմանը՝ Թադևոսյանը նշեց, որ գեներալիտետի տգիտության պատճառով 5000 հայ զինվորի մահվան պատասխանատվության հարցը չկա օրակարգում:
Անդրադառնալով ներքաղաքական գործընթացներին, Թադևոսյանը նկատեց․ «Քաղաքական ուժերը չունենալով քաղաքական կուլտուրա, կարող են հասարակությանը ներքաշել բախումների մեջ»:
Մանրամասն՝ տեսանյութում:
