ԱՄՆ գործող նախագահ Դոնալդ Թրամփը կոչ է արել ամերիկացիներին և «Մեծ քառյակին» (Big Tech, Google- ի, Amazon- ի, Facebook- ի, Apple- ի ընդհանուր անվանումը) կանխել ցանկացած բռնություն և նպաստել հանրության շրջանում լարվածության թուլացմանը: Այս մասին հայտնում է Fox News- ը:
Երկրի ղեկավարը նման կոչով հանդես է եկել այն բանից հետո, երբ հայտնի է դարձել, որ ԱՄՆ Ներկայացուցիչների պալատը չորեքշաբթի, հունվարի 13-ին, սկսել է քննարկել Թրամփի իմպիչմենթի հարցը:
«Նոր ցույցերի մասին լուրերի ֆոնին ես կոչ եմ անում խուսափել բռնություններից, օրենքի խախտումներից և ցանկացած տեսակի վանդալիզմից», – հայտարարել է նախագահը:
Թրամփը բոլոր ամերիկացիներին կոչ է արել օգնել մեղմել հասարակության լարվածությունը և հանգստացնել մարդկանց:
Նախագահի խորհրդականի խոսքով՝ երկրի ղեկավարը խնդրել է նաև խոշոր տեխնոլոգիական ընկերություններին միանալ իր ջանքերին:
Խորհրդականը նաև հավելել է, որ Թրամփի հայտարարությունը կտարածվի Սպիտակ տան մամուլի ծառայության էլեկտրոնային նամակի տեսքով: Դրանից հետո Սպիտակ տունը կփորձի հրապարակել այս տեքստը նախագահի սոցիալական պաշտոնական բոլոր օգտահաշիվներում:
