Հայաստանի վարչապետը, Ռուսաստանի և Ադրբեջանի նախագահները երեկ Մոսկվայում կայացած հանդիպման արդյունքներով նոր հայտարարություն են ստորագրել: Խոսքը տրանսպորտային ենթակառուցվածքների մասին է։ Այսպես՝ տարածաշրջանում բոլոր տնտեսական և տրանսպորտային կապերն ապաշրջափակելու մասին 9-րդ կետի իրականացման նպատակով ստեղծվում է աշխատանքային խումբ։ Աշխատանքային խումբը մինչև 2021 թ. մարտի 1-ը Կողմերի կողմից ամենաբարձր մակարդակով հաստատման կներկայացնի Ադրբեջանի Հանրապետության և Հայաստանի Հանրապետության տարածքով իրականացվող միջազգային փոխադրումների կազմակերպման, իրականացման և անվտանգության ապահովման համար անհրաժեշտ նոր տրանսպորտային ենթակառուցվածքների օբյեկտների վերականգնման և կառուցման միջոցառումների իրականացման ցանկ և ժամանակացույց, նույն կերպ Ադրբեջանի Հանրապետության և Հայաստանի Հանրապետության կողմից իրականացվող փոխադրումների համար, որոնք պահանջում են հատել Ադրբեջանի Հանրապետության և Հայաստանի Հանրապետության տարածքները»: Երեկ վարչապետը հայտարարել է, որ գերիների հարցում չի հաջողվել կարգավորման հասնել։ Թեմայի վերաբերյալ «Առաջին լրատվականը» զրուցել է Քաղաքացու որոշում կուսակցության գործադիր մարմնի անդամ Միքայել Նահապետյանի հետ։