Դոնալդ Թրամփի վարչակազմը մտադիր Է ներկայացնել ԱՄՆ-ի բնակչության պատվաստման տեմպերի մեծացման պլան՝ կոլեկտիվ իմունիտետի ձեւավորման գործընթացն արագացնելու համար: Այդ մասին հունվարի 12-ին հայտնել է Axios պորտալը:
Նոր սկզբունքների համաձայն՝ պատվաստումը մատչելի կլինի 65 տարեկանից բարձր բոլոր անձանց: Բացի դրանից, պատվաստվել կարող են ուղեկցող հիվանդություններով ռիսկի խմբերից չափահասները: Նաեւ քննարկվում Է պատվաստելու իրավունք ունեցող կենտրոնների թվի ավելացման հնարավորությունը:
Պլաններում նաեւ պատվաստանյութով ապահովման մոտեցման փոփոխությունն Է. ավելի վաղ պահուստում պահում Էին դեղաչափ կրկնական պատվաստման համար, այժմ վարչակազմը մտադիր Է օգտագործել պատվաստանյութի ամբողջ առկա պաշարը: Ինչպես նշում Է պորտալը, այդ մոտեցումը վկայում Է պատվաստանյութի տարածման մեդոթների վերաբերյալ ռազմավարության փոփոխման եւ ըստ ռիսկի աստիճանի առաջնահերթությունների խիստ համակակարգից պատվաստման արագացված տեմպերի մեթոդի անցման մասին:
Ավելի վաղ ԱՄՆ-ի ընտրված նախագահ Ջոզեֆ Բայդենը նաեւ ասել Է, որ հավանություն չի տալիս պատվաստանյութի կրկնական դեղաչափերի պահուստի սխեմային:՛ ԱՄՆ-ում հայտնաբերվել Է կորոնավիրուսով վարկման ավելի քան 22,5 միլիոն դեպք, մահացել Է 374,7 հազարից ավելի մարդ: Երկու ցուցանիշներով Էլ երկիրն զբաղեցնում Է աշխարհում առաջին տեղը, հաղորդել Է ՏԱՍՍ-ը: