ԱՄՆ իշխանությունները մեղադրանք են առաջադրել 72 հոգու, ովքեր կապ ունեն մանկական պոռնոգրաֆիայի միջազգային ցանցի հետ, որը, ըստ դատախազության, երեխաների նկատմամբ սեռական բռնությունների հազարավոր նկարներ փոխանակելու համար օգտագործում էր «Հայտարարությունների տախտակ» կայքը: Այս մասին հաղորդում է Associated Press գործակալությունը:
ԱՄՆ գլխավոր դատախազ Էրիկ Հոլդերը և ներքին անվտանգության նախարար Ջանեթ Նապոլիտանոն ասել են, որ այս օպերացիան տևել է 20 ամիս: ԱՄՆ-ում այս գործով անցնող 72 հոգուց 43-ն արդեն ձերբակալվել են, 9 մարդ ձերբակալվել է արտերկրում: Մնացած 20-ն աշխատել են ծածկանուններով, այդ պատճառով նրանց անձը պարզել դեռ չի հաջողվում:
Նապոլիտանոն ասել է նաև, որ այս կայքի օգտատերերին հաջողվել փոխանակել հսկայական քանակությամբ մանկական պոռնոգրաֆիկ նյութեր՝ մոտ 16 հազար DVD: Ընդհանուր առմամբ կայքում գրանցված է եղել 600 օգտատեր:
52 ձերբակալվածներից 13-ն ընդունել են իրենց մեղքը: Նրանց սպառնում է 20-30 տարվա ազատազրկում: