Այսօր Միացյալ Նահանգների նախագահ Բարաք Օբաման նշում է ծննդյան 50-ամյակը: Նա 3-րդ նախագահն է վերջին 130 տարվա ընթացքում, որը այդ հոբելյանը կնշի Սպիտակ տանը, այսինքն՝ ԱՄՆ նախագահի պաշտոնում: Մինչ Օբամա իրենց կեսդարյա ծնունդն են նշել Թեոդոր Ռուզվելտը 1908 թ. և Բիլ Քլինթոնը 1996 թ.:
Օբաման ծննդյան օրը կնշի Վաշինգտոնում, իսկ երեկոյան տոնական միջոցառում է նախատեսված Սպիտակ տան Վարդագույն այգում: Օբաման հայտարարել է, որ իր ծննդյան բոլոր ծախսերն ինքն է հոգալու և տնտեսական այս ծանր իրավիճակում լրացուցիչ բեռ չի դառնա ամերիկացի հարկատուի համար: The Washington Post-ին հայտնի է դարձել, որ հրավերքներ են ստացել Օբամայի մի քանի հարյուր ընկերներ և ծանոթներ: