ԱՄՆ նորընտիր նախագահ Ջո Բայդենը ստացել է կորոնավիրուսի պատվաստանյութի երկրորդ դեղաբաժինը: Պատվաստման կադրերը հրապարակել է ABC հեռուստաալիքը:
Բայդենը պատվաստվել է ուղիղ եթերում: Պատվաստումից հետո նա դիմել է ամերիկացիներին՝ նրանց հորդորելով դիմակներ կրել և պահպանել սոցիալական հեռավորությունը: Ընտրված նախագահը նշել է նաև, որ իր առաջնային խնդիրն է համարում «պատվաստանյութը հնարավորինս շուտ մարդկանց հասցնելը»:
78-ամյա քաղաքական գործիչը Pfizer և BioNTech ընկերությունների պատվաստանյութի իր առաջին դեղաչափը ստացել էր դեկտեմբերի 21-ին: Այն ժամանակ նույնպես նա որոշել էր պատվաստվել լրագրողների ներկայությամբ: