ՌԴ նախագահ Վլադիմիր Պուտինը խորհրդակցություն է անցկացրել Լեռնային Ղարաբաղի հակամարտության կարգավորման վերաբերյալ: Այս մասին հաղորդվում է Կրեմլի կայքում:
Խորհրդակցությանը մասնակցել են Անվտանգության խորհրդի քարտուղար Նիկոլայ Պատրուշևը, ԱԳՆ ղեկավար Սերգեյ Լավրովը, ԱԴԾ տնօրեն Ալեքսանդր Բորտնիկովը, պաշտպանության նախարար Սերգեյ Շոյգուն և ԱՀԾ ղեկավար Սերգեյ Նարիշկինը:
Բացի Լեռնային Ղարաբաղում տիրող իրավիճակից, նրանք քննարկել են Ռուսաստանում անվտանգության ապահովման հարցը տոնական միջոցառումների անցկացման ընթացքում:
Ինչպես հայտնի է, հունվարի 11-ին Ռուսաստանի, Հայաստանի և Ադրբեջանի ղեկավարների մասնակցությամբ տեղի կունենա Լեռնային Ղարաբաղում տիրող իրավիճակին նվիրված գագաթնաժողով: