Աղբյուրը հաղորդել է, որ Ռուսաստանի ռազմական քննիչները դիմել են իրենց ադրբեջանցի գործընկերներին`նոյեմբերի 9-ի երեկոյան Հայաստանի և Ադրբեջանի սահմանին ադրբեջանական զինուժի կողմից ռուսական ռազմական Մի -24 ուղղաթիռի ոչնչացման գործի հետաքննության հարցում օգնության համար: Հիշեցնենք, որ երկու ռուս զինծառայող էր զոհվել դրա արդյունքում, ևս մեկը վիրավորվել էր։ Ավելի վաղ Բաքուն ներողություն էր խնդրել Մոսկվայից այս միջադեպի կապակցությամբ՝ բացատրելով, որ դա պատահական է տեղի ունեցել:
Ռուս քննիչները խնդրում են պարզել գործով մի շարք կասկածյալների ինքնությունը, ինչպես նաև միջադեպի որոշ հանգամանքներ:
Քանի որ Ադրբեջանը չի արտահանձնի կասկածյալներին, Ռուսաստանը, ամենայն հավանականությամբ, հետաքննության նյութերը կուղարկի Բաքու՝ մեղավորներին պատասխանատվության ենթարկելու համար: