Թուրքիայում հայտարարել են ավելի քան 260 մարդու ձերբակալության մասին, որոնք իբր ահաբեկչություն էին ծրագրել ամանորյա գիշերը: Ինչպես հաղորդում է Anadolu գործակալությունը, այս մասին հայտարարել են ներքին գործերի նախարարությունում:
Իրավապահ մարմինների հատուկ գործողությունը շարունակվել է դեկտեմբերի 20-ից երկրի 33 գավառներում: Այդ ընթացքում ձերբակալել են 267 մարդու, որոնք կասկածվում են «կրոնը չարաշահող ահաբեկչական կազմակերպություններին աջակցելու» մեջ:
Հայտարարության համաձայն՝ ձերբակալվածների շարքում են Թուրքիայի 106 քաղաքացիներ և 161 այլ երկրների քաղաքացիներ:
Օտարերկրացիներից 69-ին փոխանցել են միգրացիոն մարմիններին «անհրաժեշտ վարչական ընթացակարգերի համար օտարերկրյա ահաբեկիչների նկատմամբ, որոնց կապը հակամարտության գոտիների հետ բացահայտվել է»:
Ձերբակալված օտարերկրացիների քաղաքացիությունը չի նշվում: Չեն նշվում նաև կոնկրետ կազմակերպությունները, որոնց հետ կապերի մեջ նրանց կասկածում են:
Հաղորդվում է նաև, որ հատուկ գործողության շրջանակներում առգրավվել են երեք հրացան, երեք ատրճանակ, փամփուշտներով 776 քարտրիջ, մոտ 2կգ ամոնիումի նիտրատ և թվայնացված նյութերի ու փաստաթղթերի զգալի քանակություն: