2020 թվականի արդյունքներով նախագահ Վլադիմիր Պուտինը կրկին առաջատարն է մամուլում առավել շատ հիշատակված անձանց շրջանում: Ըստ «Ինտերֆաքս»-ի SCAN համակարգի տվյալների, նա տեղական քաղաքական և տնտեսական լրատվամիջոցներում հրապարակված նյութերում ստացել է 3 միլիոն 885 հազար 960 հղում:
Նրան հետևում են վարչապետ Միխայիլ Միշուստինը (771 հազար հիշատակումից մի փոքր պակաս), Մոսկվայի քաղաքապետ Սերգեյ Սոբյանինը (688 հազար), Կրեմլի մամուլի քարտուղար Դմիտրի Պեսկովը (449 հազար), ընդդիմադիր գործիչ Ալեքսեյ Նավալնին (356 հազար):
Վարկանիշի արտասահմանյան հատվածը գլխավորում է ԱՄՆ նախագահ Դոնալդ Թրամփը (1 միլիոն 173 հազար 65 հիշատակում): Երկրորդ տեղը զբաղեցրել է Բելառուսի նախագահ Ալեքսանդր Լուկաշենկոն (928 հազար), երրորդը՝ Ուկրաինայի նախագահ Վլադիմիր Զելենսկին (716 հազար):
