Քաղաքական ծանր ճգնաժամ է, որը պատերազմի հետևանքով է առաջացել, և այդ ճգնաժամը կերկարաձգվի նաև 2021-ին, անկախ նրանից, թե ինչ զարգացումներ կլինեն, և անկախ նրանից՝ կփոխվի այս իշխանությունը, թե ոչ: Այս մասին «Առաջին լրատվական»-ի հետ զրույցում ասաց քաղաքագետ Ալեքսանդր Իսկանդարյանը:
Անդրադառնալով դիտարկմանը, որ կարծեք թե հայտնի է, թե քաղաքական ուժերն ինչ դիրքորոշում ունեն, ինչ են ուզում, քաղաքագետը նշեց, որ անգամ զարգացումների արդյունքներն են ակնհայտ. «Տարբեր զարացումներ են հնարավոր, բայց հստակ է՝ վերադառնում ենք ՀՀԿ-ի ժամանակներ՝ թույլ իշխանություն – թույլ ընդդիմություն, այն ժամանակ «Մերժիր Սերժին» կարգախոն էր, հիմա «մերժիր Նիկոլին», նկատի ունեմ այն, որ կարգախոսները նեգատիվ են՝ դեմ, ոչ թե հանուն: Իշխանության կառույցում նախկիններից սովորել են ապրել ցածր լեգիտիմության պայմաներում»:
Հարցին, թե ինչու հրապարակում հավաքված ուժերին չհաջողվեց շատ արագ վերցնել իշխանությունը, Իսկանդարյանը պատասխանեց, որ առաջին հերթին նրանք ֆալստարտ վերցրին, շատ շուտ սկսեցին, բացի դրանից՝ ձմեռ է, առջևում Ամանոր է, և մարդիկ ավելի քիչ են հավաքվում: «Բացի դրանից՝ ընդդիմադիրների բողոքը մաքուր քաղաքական է, իսկ քաղաքական պահանջների շուրջ դժվար է հավաքել մարդկանց, իսկ Փաշինյանը իշխանության էր եկել սոցիալական կարգախոսներով»,- նշեց քաղաքագետը:
Նրա դիտարկմամբ՝ իշխանությանն աջակցողներ կան, բայց այն, որ այս իշխանությունը դեռևս մնում է, հանրային աջակցության շնորհիվ չէ, այլ նրա, որ ժողովուրդը ապատիայի և հոգնածության մեջ է, մարդիկ պարզապես ցանկություն չունեն գնալ հանրահավքների, նոր հեղափոխության պատրաստ չեն, չգիտեն՝ ինչ է կատարվել, և ինչ է լինելու ապագայում:
Մանրամասն՝ տեսանյութում:
