Որքան սրվում է իրադրությունը, այնքան ակնբախ են դառնում այն խնդիրները, որոնք կային վաղուց: Այս մասին «Առաջին լրատական»-ի հետ զրույցում ասաց փաստաբան Տիգրան Եգորյանը՝ անդրադառնալով դիտարկմանը, որ քաղաքական և դատական համակարգում առկա է ճգնաժամ: «Այս ճգնաժամը 90-ականներին մեկնարկած ճգնաժամի շարունակությունն է, որն ընդհատվել էր: 97-ից քաղաքական համակարգը կոմայի մեջ էր: 2018-ի հեղափոխական գործընթացներից հետո «հիվանդն» արթնացավ, բայց բազմաթիվ օրգան համակարգեր չեն գործում: Սա միայն քաղաքական ճգնաժամ չէ, սա նաև պետական համակարգի ճգնաժամ է:
Հասարակության ներսում կոնկրետ սեգմենտներ հնարավորություն են ունեցել 20 տարուց ավելի ժամանակահատվածը վայելելու և հաղթահարելու ժողովրդի իշխանությունը, և հիմա սա նրանց պայքարն է ժողովրդի իշխանության դեմ, նրանց պայքարն է իրենց կենսական շահերի համար, որոնք հակադիր են ՀՀ-ի շահերին, ժողովրդի շահերին և Սահմանադրությամբ սահմանված կարգին ու կանոններին»,- նշեց Եգորյանը: Փաստաբանի դիտարկմամբ՝ այս դատական համակարգով արտահերթ խորհրդարանական ընտրությունների գնալը ռիսկային է: «Շարունակվում է հայ ժողովրդի պայքարը իր ինքնիշխանության համար՝ և՛ ներքին, և՛ միջազգային մակարդակում:
97թ. այս պայքարն ընդհատվել էր, և այն սկսեց շարունակցել 2018-ից: Սա հեշտ պայքար չէ: Բոլոր խնդիրների պատճառը ինքնիշխանության, ժողովրդի շահերի և խմբային ու անհատական շահերի բախումն է: Բարձր համագործակցության պայմաններում, երբ հնարավորինս կայունացված կլինի դաշտը, վեց ամսվա ընթացքում հնարավոր կլինի անցկացնել այնպիսի ընտրություններ, որոնք կապահովեն Սահմանադրության 1-ին և 2-րդ հոդվածների կատարումը:
Մանրամասն՝ տեսանյութում: