2020 թվականը շատ ծանր, շոկային տարի էր՝ ծանր կորուստներով ու նորանոր մարտահրավերներով։ Շոկը, բնականաբար, մի ընթացքում կիջնի, սակայն այդ բազմաթիվ խնդիրները կմնան։
Որո՞նք են 2021 թվականի գլխավոր անելիքները․ «Առաջին լրատվական»-ի հարցին «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը պատասխանեց․ «Դժվար է, իհարկե, կանխատեսել, թե ինչպիսին կլինի գալիք տարին, որովհետև ոչ ոք մեկ տարի առաջ չէր կարող կանխատեսել այն, ինչ եղավ 2020 թվականին։ Եթե չլինեն նորանոր էքսցեսներ, ապա մենք առաջին հերթին պետք է փորձենք որպես հասարակություն, և երկրորդ հերթին՝ որպես պետություն վերականգնվել էն շոկից, որը մենք ապրեցինք։ Պետք է փորձենք վերադառնալ բնականոն կյանքին, բայց ամենակարևորը, որ պետք է անենք, դա այն է, որ որպես պետություն պետք է պատրաստ լինենք շոկերին։ Այսինքն՝ մենք պետք է առավել պատրաստ լինենք պատերազմին, մենք պետք է առավել պատրաստ լինենք էպիդեմիաներին, մենք պետք է առավել պատրաստ լինենք տարբեր ճգնաժամային իրավիճակներին, մենք պետք է առավել պատրաստ լինենք երկրաշարժին։ Այսինքն՝ մենք պետք է բոլոր առումներով ավելի պատրաստ լինենք այդ շոկային սցենարներին։ 2020 թվականը ցույց տվեց, որ մենք ընդհանրապես պատրաստ չէինք․ պատրաստ չէինք ո՛չ էպիդեմիային, ո՛չ պատերազմին։ Մենք հավատում էինք, որ մենք պատրաստ ենք, բայց մենք պատրաստ չէինք։ Այստեղ ամենակարևորն այն է, որ հետագայում ինքներս մեզ չխաբենք և ազնիվ գնահատենք, թե որքանով ենք մենք պատրաստ տարբեր ճգնաժամային իրավիճակներին՝ որպես պետություն, որպես ազգ, ու սթափ աշխատենք այդ ուղղությամբ, որ հետագայում ավելի պատրաստ լինենք»։
Իսկ այսօր այդ սթափությունը, այդ մոբիլիզացիայի ձգտումը, ըստ ձեզ, կա՞․ «Առաջին լրատվական»-ի հարցին Դանիել Իոաննիսյանը պատասխանեց․ «Ինձ թվում է, որ մենք ոնց որ շատ դանդաղ մոտենում ենք դրան»։
Մանրամասները՝ տեսանյութում։