2020-ը մեր անկախ պետականության ամենածանր տարին էր՝ ինչպես արտաքին մարտահրավերների սաստկացման, այնպես էլ մեր ստեղծած միֆերի պատճառով, որոնք մեկը մեկից հետո սկսեցին պայթել: Մեր գլխավոր խնդիրը, որ 2020-ին ավելի ցցուն դարձավ, ցածր որակի էլիտան է, ցածր որակի կառավարման ինստիտուտներն են և գիտելիքահեն ու ապացուցողական հիմք ունեցող քաղաքականության բացակայությունը: Այս մասին «Առաջին լրատվական»-ի հետ զրույցում ասաց վերլուծաբան Արեգ Քոչինյանը:
«20201-ի մեր առաջնային անելիքը ներքաղաքական կայունությունն է: Դա անհրաժեշտ է մեր պետականության փրկության և մեր սուվերենության պահպանման համար: Դրա ճանապարհը հայտնի է՝ արտահերթ խորհրդարանական ընտրություններ անցկացնել. այլ ճանապարհ ես չեմ տեսնում, մյուս ճանապարհները քաղաքակիրթ չեն և մեր պետության շահերից չեն ելնում»,- նշեց վերլուծաբանը՝ ընդգծելով, որ պետք է գործել ինքնուրույն և հույս չդնել ուրիշների վրա, ամեն ինչ անել՝ ունակ լինելու պահպանել անկախությունը և պետականությունը:
Մանրամասն՝ տեսանյութում: