Հեղափոխական ռեսուրսը մսխվել է, պետք է ապատիկ հոգեվիճակից դուրս գալ, հավաքել կարող ուժերին և փորձել ռեֆորմներ իրականացնել դատական համակարգում. շատ ենք ուշացել, բայց հույսը վերջինն է մեռնում: Այս մասին Առաջին լրատվականի հետ զրույցում նշեց «Իրավունքի Եվրոպա միավորում» ՀԿ ղեկավար, փաստաբան Լուսինե Հակոբյանը:
Նրա խոսքով՝ անհրաժեշտ է օրենսդրական նոր փաթեթներ մշակել, հայցել միջազգային օժանդակություն: «Ակնհայտ է, որ դատական համակարգը ինչպես որ հեղափոխությունից առաջ էր սպասարկում այն ժամանակ գործող իշխանություններին, այնպես էլ այսօր շարունակում է սպասարկել նրանց և դա անում է ջանադրաբար»,- նշեց Հակոբյանը:
Նա նաև հավելեց, որ իշխանության կողմից նկատելի է ունակությունների և կարողությունների բացակայություն. երկուսուկես տարի է դա է խնդիրը:
«Հայաստանը հնարավոր չէ համարել ժողովրդավարական երկիր, եթե այսպիսի դատական համակարգ ունենք. դատական համակարգն իր տեղում չէ, ազատ են արձակվում մեղադրյալները, ի՞նչ մարդու իրավունքների մասին կարող ենք խոսել»,- նշեց փաստաբանը՝ հավելելով, որ նաիվություն է մտածելը, թե դատական համակարգը կարող է ինքնամաքրվել, հեղափոխական իշխանությունը պետք է ձերբազատվեր դատական համակարգի այն ներկայացուցիչներից, ովքեր տարբեր կոռուպցիոն մեխանիզմներով փոխկապակված են նախնիների հետ:
Մանրամասն՝ տեսանյութում: