Դեղամիջոցների եվրոպական վարչությունը (EMA) առաջիկա շաբաթներին չի կարողանա հաստատել բրիտանա-շվեդական AstraZeneca արտադրողի և Օքսֆորդի համալսարանի կողմից մշակված կորոնավիրուսի դեմ պատվաստանյութի օգտագործումը, գրում է Reuters-ը:
«Նրանք նույնիսկ մեզ դեռ չեն դիմել»,- ասել է կարգավորիչի գործադիր տնօրենի տեղակալ Նոել Վատիոնը:
Նրա խոսքով, եվրոպական կարգավորիչները դեղամիջոցի վերաբերյալ բավարար տեղեկատվություն չունեն:
«Անգամ բավարար չէ պայմանական շուկայավարման լիցենզիա երաշխավորելու համար: Մեզ լրացուցիչ տվյալներ են հարկավոր պատվաստանյութի որակի վերաբերյալ: Դրանից հետո ընկերությունը պետք է պաշտոնապես դիմում ներկայացնի»,- ասել է Վատիոնը:
Նա ենթադրել է, որ պատվաստանյութը օգտագործման համար կարող է հաստատվել արդեն 2021 թվականի հունվարին: