ՌԴ նախագահ Վլադիմիր Պուտինի բունկերի մասին լուրերն «անհեթեթություն են», հայտարարել է Ռուսաստանի ղեկավարի մամուլի քարտուղար Դմիտրի Պեսկովը՝ RTVi հեռուստաալիքին տված հարցազրույցում:
«Ես նկատի ունեմ, որ այդ ամենն անհեթեթություն է. ինչ որ կոնսպիրացիայի մասին եզրահանգումները, այն, որ ինչ-որ մեկը թաքցնում է, թե որտեղ է գտնվում նախագահը, և դա անում է միտումնավոր: Դավադրության այս տեսությունները կատարյալ անհեթեթություն են»,- ընդգծել է Պեսկովը:
Նա նաև նշել է, որ Ռուսաստանի նախագահը բազմաթիվ գրասենյակներ ունի, որոնք տեղակայված են աշխարհի տարբեր քաղաքներում, և անհրաժեշտության դեպքում նա օգտվում է դրանցից:
