«Լոբբինգը նաև ֆինանսական մաս ունի: Վերջին տարիներին Ադրբեջանը մեծ ֆինանսական ռեսուրսներ օգտագործեց լոբբինգի համար, իսկ հայկական կողմը օգտագործում էր իր դիրքը, Սփյուռքի անդամների համբավը: Ադրբեջանը հաջողությունների հասավ, ունեն գործակալներ Եվրոպայում և ԱՄՆ-ում, որոնք փորձեցին խոչընդոտել մեծ երկրներին՝ դեր ունենալ պատերազմի ընթացքում, և դա էր նաև պատճառներից մեկը, որ 45 օրվա ընթացքում չկարողացանք կոնկրետ շարժ տեսնել թե՛ Ֆրանսիայի, թե՛ ԱՄՆ-ի կողմիցմ, որոնք Մինսկի խմբի համանախագահներ են»,- «Առաջի լրատվական»-ի հետ զրույցում այս կարծիքը հայտնեց Ֆրանսիայի Վիեն քաղաքի փոխքաղաքապետ Լևոն Սաքունցը:
Անդրադառնալով Հայաստան-Սփյուռք հարաբերություններին ու անելիքներին՝ Լևոն Սաքունցն ընդգծեց. «Շատ կարևոր է, որ օգնության մոդելից Սփյուռքը և Հայաստանն անցնեն համագործակցության մոդելի: Սփյուռքն ունի թե՛ ինտելեկտուալ, թե՛ ֆինանսական ռեսուրս, և օգտագործվում է Սփյուռքի ռեսուրսի շատ փոքր մասնիկը:
Պատերազմի օրերին ինքնաբուխ կերպով Սփյուռքի ավելի շատ ռեսուրսներ օգտագործվեցին, որովհետև մարդիկ հասկացան, որ կրիտիկական իրավիճակ է և ամեն ինչ պետք է անել, քանի որ հնարավոր է կորցնեինք Հայաստանը: Այդ պատերազմը ապտակ էր:
Կարևոր է, որ գործնական լինեն Հայաստան-Սփյուռք հարաբերությունները, նաև ներքաղաքական դաշտում ներգրավվեն սփյուռքահայեր և Հայաստանն էլ ինչ-որ չափով դեր ունենա Սփյուռքի կազմակերպչական հարցերում»:
Մանրամասն՝ տեսանյութում: