Բարձրագույն դատական խորհրդի նախագահ Ռուբեն Վարդազարյանն անդրադարձավ դատավորներին քաղաքականությունից զերծ մնալու իր կոչի վերաբերյալ հնչող մեղադրանքներին:
Վարդազարյանը տարեվերջյան մամուլի ասուլիսին ասաց, որ իր կոչը վերաբերել է դատավորներին, որոնց այդպիսով խնդրել է զերծ մնալ քաղաքականությունից:
«Ես հորդորել եմ դատավորներին չենթարկվել ճնշումների, ինչպես նաև նախազգուշացրել եմ, որ եթե տեսնեմ, որ որևէ մեկը ենթարկվում կամ տուրք է տալիս այդ ճնշումներին ու քաղաքական որոշում է կայացնում, ինքս խստագույնս կարձագանքեմ այդ ամենին: Իմ կոչը վերաբերել է ապաքաղաքական լինելուն: Ինձ համար զարմանալի է, որ քաղաքական կոնյունկտուրային չմասնակցելու կոչը դիտվում է որպես քաղաքական կոչ, ուղղակի ժպիտ է առաջացնում»,- նշեց ԲԴԽ նախագահը:
Նա դեկտեմբերի 15-ին դատավորներին կոչ էր արել առաջնորդվել բացառապես սահմանադրությամբ և օրենքներով: Վարդազարյանը հորդորել էր նաև արդարադատությունն իրականացնել իրենց իրավասության բարձր գիտակցությամբ, հավատարիմ մնալ ժողովրդին տված երդմանը և զերծ մնալ բոլոր տեսակի քաղաքական ճնշումներից: