Ղազախստանը պայմանագիր է կնքել ամերիկյան Pfizer ընկերության հետ և նախատեսում է հատուկ փաստաթղթեր տրամադրելով կորոնավիրուսային վարակի դեմ պատվաստանյութեր ներմուծել հանրապետություն: Այս մասին հայտարարել է երկրի առողջապահության նախարար Մարատ Շորանովը, փոխանցում է «ՌԻԱ Նովոստի»-ն:
Ըստ առողջապահության նախարարության ղեկավարի, ժամկետները կախված կլինեն արտադրական հզորությունից և դեղամիջոցը Ղազախստան մատակարարելու ընկերության հնարավորությունից:
Նա նշել է, որ այժմ ամբողջ աշխարհում քննարկվում է COVID-19-ի դեմ պատվաստանյութերի այսպես կոչված ժամանակավոր գրանցումը: Հանրապետությունում համապատասխան կանոններ են մշակվել, որոնք թույլ կտան հետազոտության երրորդ փուլի միջանկյալ հաշվետվությունների հիման վրա ժամանակավոր գրանցել պատվաստանյութը:
«Ինչ վերաբերում է Pfizer-ի պատվաստանյութին, ապա այն բացի տեղափոխման և մինչև -70°C պահպանման խիստ պահանջներից, ունի նաև տարբերվող արժեք՝ այն երկու անգամ ավելի թանկ է, քան Ռուսաստանի Դաշնությունում արտադրված նույն պատվաստանյութը»,- պարզաբանել է Շորանովը: