Ռուպերտ Մերդոքի ալիքներից մեկը՝ Fox Business-ը, երեկ քննադատել է Ռուսաստանի վարչապետ Վլադիմիր Պուտինի հայտարարությունը, որով ՌԴ վարչապետը ԱՄՆ-ին անվանել էր համաշխարհային տնտեսության մեջ «մակաբույծ» երկիր: Հեռուստաալիքը խորհուրդ է տվել Պուտինին ուրախանալ այն հնարավորություններով, որ նրան ընձեռել է կապիտալիզմը:
Էրիկ Բոլինգը, որն այդ հեռուստաալիքում վարում է Follow The Money-ն, իր վրդովմունքն է հայտնել Պուտինի կողմից ԱՄՆ-ին տրված որակումների առնչությամբ: Լրագրողի խոսքերով՝ ՌԴ վարչապետ Պուտինը պետք է ուրախանա, որ Ռուսաստանում հիմա նույնպիսի կարգ է, ինչպես ԱՄՆ-ում, այսինքն՝ կապիտալիզմ: Բոլինգը նշել է, որ Պուտինը, հավաբար, պետք է շնորհակալ լիներ, որ, շնորհիվ կապիտալիզմի, ամերիկացի լրագրողի խոսքերով՝ «դարձել է միլիարդատեր և դիկտատոր»:
Իսկ հաղորդմանը մասնակցող փորձագետ Արիել Քոենն ասել է, որ քննադատելով ԱՄՆ-ին՝ Ռուսաստանի վարչապետը փորձում է ընդամենը դուր գալ ռուսաստանցի երիտասարդներին: